Assalam-o-Alaikum! Hukumat-e-Pakistan ne Ramzan-ul-Mubarak 2026 ke liye ab tak ka sab se bada Ramzan Relief Package shuru kar diya hai. Is baar 39 Arab rupe ka budget rakha gaya hai taake ghareeb aur mustahiq logon ko mehangai se nijat mil sake.
Is package ke tehat na sirf sasta rashan milega balkay bohot se logon ko 13,000 rupe ki naqd imdad bhi di ja rahi hai.
Agar aap apni ahliyat (eligibility) check karna chahte hain toh niche diye gaye tareeqay par amal karein:
Apne mobile ka Message option kholiye.
Apna 13 hanson ka CNIC (Shanakhti Card) number likhein.
Is message ko 9999 par bhej dein.
Kuch hi der mein aapko ek jawabi message aayega jis mein bata diya jayega ke aap is package ke liye ahal (eligible) hain ya nahi.
Rashan Kaise Hasil Karein?
Agar aapko 9999 se ahliyat ka message mil jata hai, toh aap apne kareebi Utility Store par ja kar apna shanakhti card dikha kar sasta rashan hasil kar sakte hain. Iske ilawa BISP ke purane sarifeen ko bhi is package mein shamil kiya gaya hai.
Zaroori Baat: Hamesha apna asli shanakhti card number likhein aur koshish karein ke message usi sim se bhejein jo aapke naam par register ho.