Hukumat-e-Pakistan ne Benazir Income Support Program (BISP) ke tehat Benazir Taleemi Wazaif ka
dairah-kar barha diya hai. Is program ka maqsad un bachon ki hosla afzai karna hai jo mali mushkilat ki wajah se school nahi ja paate.
Wazaif ki Raqam (Amount Details):
Is program mein larkon ke muqable mein larkiyon ko zyada wazaif diye jate hain taake female education ko promote kiya ja sake:
Primary Level: Larkon ke liye 1500 aur Larkiyon ke liye 2000 rupaye (Sih-mahi).
Secondary Level: Larkon ke liye 2500 aur Larkiyon ke liye 3000 rupaye.
Higher Secondary: Larkon ke liye 3500 aur Larkiyon ke liye 4000 rupaye.
Graduation Bonus: Larkiyon ko primary school mukammal karne par 3000 rupaye ka izafi bonus bhi diya jata hai.
Ahliaat (Eligibility Criteria):
Bacha us maa ka hona chahiye jo pehle se BISP Kafalat program ki na-al (beneficiary) ho.
Bachon ki umar 4 se 22 saal ke darmiyan honi chahiye.
School ya college mein bachon ki hazri (attendance) kam az kam 70% honi lazmi hai.
Registration Ka Tarika:
Sab se pehle apne qareebi BISP office jayein aur wahan se "Taleemi Wazaif Enrollment Form" hasil karein.
Is form ko bachon ke school se tasdeeq (verify) karwayein aur headmaster ke sign karwayein.
Form mukammal karne ke baad dobara BISP office mein jama karwayein.
Aap BISP Mobile App ke zariye bhi online registration check kar sakte hain.
Zaroori Documents:
Maa ka Asal CNIC.
Bachon ka Computerized Bay-Form (NADRA se tasdeeq shuda).
School Headmaster se tasdeeq shuda Admission Form.
Zar Communication Ki Taraf Se Paigham:
Doston, apne bachon ka mustaqbil sanwarein aur is scheme se bharpoor faida uthayein. Agar aapko form fill karne ya registration mein koi masla aa raha hai, to aap Zar Communication Ahmedpur Sial par tashreef layein, hum aapki mukammal rehnumai karenge.